Σίλα, Σιλουανού, Κρήσκεντος, Επαινετού και Ανδρονίκου εκ των 70

Άγιοι, εορταί, και Αναγνώσεις – Τετάρτη, 30 Ιουλίου 2025
Άγιοι και εορταί: Σίλα, Σιλουανού, Κρήσκεντος, Επαινετού και Ανδρονίκου εκ των 70; Αγία Μάρτυς Ιουλίττα η εκ Καισαρείας
Αυστηρή Νηστεία
Ανάγνωσις Επιστολής: Πράξ. 15:35-41
Εν ταις ημεραίς εκείναις, Παύλος δε και Βαρνάβας διέτριβον εν Αντιοχεία, διδάσκοντες και ευαγγελιζόμενοι, μετά και ετέρων πολλών, τον λόγον του κυρίου. Μετά δε τινας ημέρας είπεν Παύλος πρός Βαρνάβαν, Επιστρέψαντες δή επισκεψώμεθα τους αδελφούς ημών κατά πάσαν πόλιν, εν αίς κατηγγείλαμεν τον λόγον του κυρίου, πώς έχουσιν. Βαρνάβας δε εβουλεύσατο συμπαραλαβείν τον Ιωάννην, τον καλούμενον Μάρκον. Παύλος δε ηξίου, τον αποστάντα απʼ αυτών από Παμφυλίας, και μή συνελθόντα αυτοίς εις το έργον, μή συμπαραλαβείν τούτον. Εγένετο ούν παροξυσμός, ώστε αποχωρισθήναι αυτούς απʼ αλλήλων, τον τε Βαρνάβαν παραλαβόντα τον Μάρκον εκπλεύσαι εις Κύπρον· Παύλος δε επιλεξάμενος Σίλαν εξήλθεν, παραδοθείς τη χάριτι του θεού υπό των αδελφών. Διήρχετο δε την Συρίαν και Κιλικίαν, επιστηρίζων τάς εκκλησίας.
Ανάγνωσις Ευαγγελίου: Κατά Ματθαίον 16:20-24
Τω καιρώ εκείνω, διεστείλατο ο Ιησούς τοις μαθηταίς αυτού ίνα μηδενί είπωσιν ότι αυτός εστιν ᾿Ιησούς ο Χριστός. ᾿Από τότε ήρξατο ο ᾿Ιησούς δεικνύειν τοις μαθηταίς αυτού ότι δεί αυτόν απελθείν εις ῾Ιεροσόλυμα και πολλά παθείν από των πρεσβυτέρων και αρχιερέων και γραμματέων και αποκτανθήναι, και τη τρίτη ημέρα εγερθήναι. καί προσλαβόμενος αυτόν ο Πέτρος ήρξατο επιτιμάν αυτώ λέγων· ίλεώς σοι, Κύριε· ου μή έσται σοι τούτο. ο δε στραφείς είπε τω Πέτρω· ύπαγε οπίσω μου, σατανά· σκάνδαλόν μου εί· ότι ου φρονείς τα του Θεού, αλλά τα των ανθρώπων. Τότε ο ᾿Ιησούς είπε τοις μαθηταίς αυτού· ει τις θέλει οπίσω μου ελθείν, απαρνησάσθω εαυτόν και αράτω τον σταυρόν αυτού και ακολουθείτω μοι.