Μαρίνα Μεγαλομάρτυς

Άγιοι, εορταί, και Αναγνώσεις – Πέμπτη, 17 Ιουλίου 2025
Άγιοι και εορταί: Μαρίνα Μεγαλομάρτυς; Σπεράτος και Bηρονίκα, Μάρτυρες; Βασιλικοί μάρτυρες της Ρωσίας;
Ανάγνωσις Επιστολής: Γαλ. 3:23-29, 4:1-5
Αδελφοί, πρό του δε ελθείν την πίστιν, υπό νόμον εφρουρούμεθα, συγκεκλεισμένοι εις την μέλλουσαν πίστιν αποκαλυφθήναι. Ώστε ο νόμος παιδαγωγός ημών γέγονεν εις Χριστόν, ίνα εκ πίστεως δικαιωθώμεν. Ελθούσης δε της πίστεως, ουκέτι υπό παιδαγωγόν εσμεν. Πάντες γαρ υιοί θεού εστε διά της πίστεως εν Χριστώ Ιησού. Όσοι γαρ εις Χριστόν εβαπτίσθητε, Χριστόν ενεδύσασθε. Ουκ ένι Ιουδαίος ουδέ Έλλην, ουκ ένι δούλος ουδέ ελεύθερος, ουκ ένι άρσεν και θήλυ· πάντες γαρ υμείς εις εστε εν Χριστώ Ιησού. Ει δε υμείς Χριστού, άρα του Αβραάμ σπέρμα εστέ, και κατʼ επαγγελίαν κληρονόμοι. Λέγω δέ, εφʼ όσον χρόνον ο κληρονόμος νήπιός εστιν, ουδέν διαφέρει δούλου, κύριος πάντων ών· αλλά υπό επιτρόπους εστίν και οικονόμους, άχρι της προθεσμίας του πατρός. Ούτως και ημείς, ότε ήμεν νήπιοι, υπό τα στοιχεία του κόσμου ήμεν δεδουλωμένοι· ότε δε ήλθεν το πλήρωμα του χρόνου, εξαπέστειλεν ο θεός τον υιόν αυτού, γενόμενον εκ γυναικός, γενόμενον υπό νόμον, ίνα τους υπό νόμον εξαγοράση, ίνα την υιοθεσίαν απολάβωμεν.
Ανάγνωσις Ευαγγελίου: Κατά Μάρκον 5:24-34
Τω καιρώ εκείνω, ηκολούθει τω Ιησού όχλος πολύς, και συνέθλιβον αυτόν. Και γυνή τις ούσα εν ρύσει αίματος έτη δώδεκα, καί πολλά παθούσα υπό πολλών ιατρών και δαπανήσασα τα παρ᾿ εαυτής πάντα, και μηδέν ωφεληθείσα, αλλά μάλλον εις το χείρον ελθούσα, ακούσασα περί του ᾿Ιησού, ελθούσα εν τω όχλω όπισθεν ήψατο του ιματίου αυτού· έλεγε γαρ εν εαυτή ότι εάν άψωμαι κάν των ιματίων αυτού, σωθήσομαι. καί ευθέως εξηράνθη η πηγή του αίματος αυτής, και έγνω τω σώματι ότι ίαται από της μάστιγος. καί ευθέως ο ᾿Ιησούς επιγνούς εν εαυτώ την εξ αυτού δύναμιν εξελθούσαν, επιστραφείς εν τω όχλω έλεγε· τίς μου ήψατο των ιματίων; καί έλεγον αυτώ οι μαθηταί αυτού· βλέπεις τον όχλον συνθλίβοντά σε, και λέγεις τίς μου ήψατο; καί περιεβλέπετο ιδείν την τούτο ποιήσασαν. η δε γυνή φοβηθείσα και τρέμουσα, ειδυία ό γέγονεν επ᾿ αυτή, ήλθε και προσέπεσεν αυτώ και είπεν αυτώ πάσαν την αλήθειαν. ο δε είπεν αυτή· θύγατερ, η πίστις σου σέσωκέ σε· ύπαγε εις ειρήνην, και ίσθι υγιής από της μάστιγός σου.