Ακύλας, εκ των 70

Άγιοι, εορταί, και Αναγνώσεις – Δευτέρα, 14 Ιουλίου 2025
Άγιοι και εορταί: Ακύλας, εκ των 70; Ιωσήφ ο Ομολογητής; Νικοδήμου Αγιορείτου; Νέος Ιερομάρτυρος Πέτρος και οι Άγιοι 4 Νεομάρτυρες, οι εκ Μελισσουργείου Κισσάμου; Μαρτύρος Ιούστου
Ανάγνωσις Επιστολής: Ρωμ. 16:1-16
Αδελφοί, συνίστημι δε υμίν Φοίβην την αδελφήν ημών, ούσαν διάκονον της εκκλησίας της εν Κεγχρεαίς· ίνα αυτήν προσδέξησθε εν κυρίω αξίως των αγίων, και παραστήτε αυτή εν ώ άν υμών χρῄζη πράγματι· και γαρ αυτή προστάτις πολλών εγενήθη, και αυτού εμού. Ασπάσασθε Πρίσκαν και Ακύλαν τους συνεργούς μου εν Xριστώ Ιησού, οίτινες υπέρ της ψυχής μου τον εαυτών τράχηλον υπέθηκαν, οίς ουκ εγώ μόνος ευχαριστώ, αλλά και πάσαι αι εκκλησίαι των εθνών· και την κατʼ οίκον αυτών εκκλησίαν. Ασπάσασθε Επαίνετον τον αγαπητόν μου, ός εστιν απαρχή της Αχαΐας εις Xριστόν. Ασπάσασθε Μαριάμ, ήτις πολλά εκοπίασεν εις ημάς. Ασπάσασθε Ανδρόνικον και Ιουνίαν τους συγγενείς μου και συναιχμαλώτους μου, οίτινές εισιν επίσημοι εν τοις αποστόλοις, οί και πρό εμού γεγόνασιν εν Xριστώ. Ασπάσασθε Αμπλίαν τον αγαπητόν μου εν κυρίω. Ασπάσασθε Ουρβανόν τον συνεργόν ημών εν Xριστώ, και Στάχυν τον αγαπητόν μου. Ασπάσασθε Απελλήν τον δόκιμον εν Xριστώ. Ασπάσασθε τους εκ των Αριστοβούλου. Ασπάσασθε Ηρωδίωνα τον συγγενή μου. Ασπάσασθε τους εκ των Ναρκίσσου, τους όντας εν κυρίω. Ασπάσασθε Τρύφαιναν και Τρυφώσαν τάς κοπιώσας εν κυρίω. Ασπάσασθε Περσίδα την αγαπητήν, ήτις πολλά εκοπίασεν εν κυρίω. Ασπάσασθε Ῥούφον τον εκλεκτόν εν κυρίω, και την μητέρα αυτού και εμού. Ασπάσασθε Ασύγκριτον, Φλέγοντα, Ερμάν, Πατρόβαν, Ερμήν, και τους σύν αυτοίς αδελφούς. Ασπάσασθε Φιλόλογον και Ιουλίαν, Νηρέα και την αδελφήν αυτού, και Ολυμπάν, και τους σύν αυτοίς πάντας αγίους. Ασπάσασθε αλλήλους εν φιλήματι αγίω. Ασπάζονται υμάς αι εκκλησίαι του Xριστού.
Ανάγνωσις Ευαγγελίου: Κατά Ματθαίον 13:10-23, 43
Τω καιρώ εκείνω, προσελθόντες οι μαθηταί είπον αυτώ· διατί εν παραβολαίς λαλείς αυτοίς; ο δε αποκριθείς είπεν αυτοίς· ότι υμίν δέδοται γνώναι τα μυστήρια της βασιλείας των ουρανών, εκείνοις δε ου δέδοται. όστις γαρ έχει, δοθήσεται αυτώ και περισσευθήσεται· όστις δε ουκ έχει, και ό έχει αρθήσεται απ᾿ αυτού. διά τούτο εν παραβολαίς αυτοίς λαλώ, ίνα βλέποντες μή βλέπωσι και ακούοντες μή ακούωσι μηδέ συνώσι, μήποτε επιστρέψωσι· και τότε πληρωθήσεται αυτοίς η προφητεία ῾Ησαΐου η λέγουσα· ακοή ακούσετε και ου μή συνήτε, και βλέποντες βλέψετε και ου μή ίδητε· επαχύνθη γαρ η καρδία του λαού τούτου, και τοις ωσί βαρέως ήκουσαν, και τους οφθαλμούς αυτών εκάμμυσαν, μήποτε ίδωσι τοις οφθαλμοίςκαί τοις ωσίν ακούσωσικαί τη καρδία συνώσι και επιστρέψωσι, και ιάσομαι αυτούς. ῾Υμών δε μακάριοι οι οφθαλμοί, ότι βλέπουσι, και τα ώτα υμών, ότι ακούουσιν. αμήν γαρ λέγω υμίν ότι πολλοί προφήται και δίκαιοι επεθύμησαν ιδείν ά βλέπετε, και ουκ είδον, και ακούσαι ά ακούετε, και ουκ ήκουσαν.
῾Υμείς ούν ακούσατε την παραβολήν του σπείραντος. παντός ακούοντος τον λόγον της βασιλείας και μή συνιέντος, έρχεται ο πονηρός και αίρει το εσπαρμένον εν τη καρδία αυτού· ούτός εστιν ο παρά την οδόν σπαρείς. ο δε επί τα πετρώδη σπαρείς, ούτός εστιν ο τον λόγον ακούων και ευθέως μετά χαράς δεχόμενος και λαμβάνων αυτόν· ουκ έχει δε ρίζαν εν εαυτώ, αλλά πρόσκαιρός εστι, γενομένης δε θλίψεως ή διωγμού διά τον λόγον ευθύς σκανδαλίζεται. ο δε εις τάς ακάνθας σπαρείς, ούτός εστιν ο τον λόγον ακούων, και η μέριμνα του αιώνος τούτου και η απάτη του πλούτου συμπνίγει τον λόγον, και άκαρπος γίνεται. ο δε επί την γήν την καλήν σπαρείς, ούτός εστιν ο τον λόγον ακούων και συνιών· ός δή καρποφορεί και ποιεί ό μέν εκατόν, ό δε εξήκοντα, ό δε τριάκοντα. τότε οι δίκαιοι εκλάμψουσιν ως ο ήλιος εν τη βασιλεία του πατρός αυτών. ο έχων ώτα ακούειν ακουέτω.