Οι εν Νικοπόλει Αρμενίας 45 Μαρτύρες

Άγιοι, εορταί, και Αναγνώσεις – Πέμπτη, 10 Ιουλίου 2025
Άγιοι και εορταί: Οι εν Νικοπόλει Αρμενίας 45 Μαρτύρες; Γρηγόριος Επίσκοπος Ασσα; Παρθένιος και Ευμένιος οι εν Κουδουμά; 10,000 Μάρτυρες του Αιγύπτου; Απολλώνιος Μάρτυς; Πολύτιμη τήβεννος Ιησού Χριστού στη Μόσχα; Αντώνιος των σπηλιών του Κίεβου
Ανάγνωσις Επιστολής: Ρωμ. 15:17-29
Αδελφοί, έχω ούν καύχησιν εν Χριστώ Ιησού τα πρός τον θεόν. Ου γαρ τολμήσω λαλείν τι ών ου κατειργάσατο Χριστός διʼ εμού, εις υπακοήν εθνών, λόγω και έργω, εν δυνάμει σημείων και τεράτων, εν δυνάμει πνεύματος θεού· ώστε με από Ιερουσαλήμ και κύκλω μέχρι του Ιλλυρικού πεπληρωκέναι το ευαγγέλιον του Χριστού· ούτως δε φιλοτιμούμενον ευαγγελίζεσθαι, ουχ όπου ωνομάσθη Χριστός, ίνα μή επʼ αλλότριον θεμέλιον οικοδομώ· αλλά, καθώς γέγραπται, Οίς ουκ ανηγγέλη περί αυτού, όψονται· και οί ουκ ακηκόασιν συνήσουσιν. Διό και ενεκοπτόμην τα πολλά του ελθείν πρός υμάς· νυνί δε μηκέτι τόπον έχων εν τοις κλίμασιν τούτοις, επιποθίαν δε έχων του ελθείν πρός υμάς από πολλών ετών, ως εάν πορεύωμαι εις την Σπανίαν, ελεύσομαι πρός υμάς· ελπίζω γαρ διαπορευόμενος θεάσασθαι υμάς, και υφʼ υμών προπεμφθήναι εκεί, εάν υμών πρώτον από μέρους εμπλησθώ. Νυνί δε πορεύομαι εις Ιερουσαλήμ, διακονών τοις αγίοις. Ευδόκησαν γαρ Μακεδονία και Αχαΐα κοινωνίαν τινά ποιήσασθαι εις τους πτωχούς των αγίων των εν Ιερουσαλήμ. Ευδόκησαν γάρ, και οφειλέται αυτών εισιν. Ει γαρ τοις πνευματικοίς αυτών εκοινώνησαν τα έθνη, οφείλουσιν και εν τοις σαρκικοίς λειτουργήσαι αυτοίς. Τούτο ούν επιτελέσας, και σφραγισάμενος αυτοίς τον καρπόν τούτον, απελεύσομαι διʼ υμών εις την Σπανίαν. Οίδα δε ότι ερχόμενος πρός υμάς εν πληρώματι ευλογίας του ευαγγελίου του Χριστού ελεύσομαι.
Ανάγνωσις Ευαγγελίου: Κατά Ματθαίον 12:46-50, 13:1-3
Τω καιρώ εκείνω, λαλούντος τοις όχλοις ιδού η μήτηρ και οι αδελφοί αυτού ειστήκεισαν έξω, ζητούντες λαλήσαι αυτώ. είπε δέ τις αυτώ· ιδού η μήτηρ σου και οι αδελφοί σου εστήκασιν έξω ζητούντές σε ιδείν. ο δε αποκριθείς είπε τω λέγοντι αυτώ· τίς εστιν η μήτηρ μου και τίνες εισίν οι αδελφοί μου; και εκτείνας την χείρα αυτού επί τους μαθητάς αυτού έφη· ιδού η μήτηρ μου και οι αδελφοί μου· όστις γαρ άν ποιήση το θέλημα του πατρός μου του εν ουρανοίς, αυτός μου αδελφός και αδελφή και μήτηρ εστίν. Εν δε τη ημέρα εκείνη εξελθών ο ᾿Ιησούς της οικίας εκάθητο παρά την θάλασσαν· και συνήχθησαν πρός αυτόν όχλοι πολλοί, ώστε αυτόν εις πλοίον εμβάντα καθήσθαι, και πάς ο όχλος επί τον αιγιαλόν ειστήκει. και ελάλησεν αυτοίς πολλά εν παραβολαίς λέγων.