Ιουλιανός Μάρτυς

Άγιοι, εορταί, και Αναγνώσεις – Σάββατο, 21 Ιουνίου 2025
Άγιοι και εορταί: Ιουλιανός Μάρτυς; Τερέντιος, Ιερομάρτυς Ικονίου; Νεομαρτύρος Νικήτα του Νισυρίου
Ημέρα Νηστείας (Κατάλυσις ιχθύος, ελαίου και οίνου)
Ανάγνωσις Επιστολής: Ρωμ. 3:19-24
Αδελφοί, οίδαμεν δε ότι όσα ο νόμος λέγει, τοις εν τω νόμω λαλεί, ίνα πάν στόμα φραγή, και υπόδικος γένηται πάς ο κόσμος τω θεώ· διότι εξ έργων νόμου ου δικαιωθήσεται πάσα σάρξ ενώπιον αυτού· διά γαρ νόμου επίγνωσις αμαρτίας. Νυνί δε χωρίς νόμου δικαιοσύνη θεού πεφανέρωται, μαρτυρουμένη υπό του νόμου και των προφητών· δικαιοσύνη δε θεού διά πίστεως Ιησού Χριστού εις πάντας και επί πάντας τους πιστεύοντας· ου γαρ εστιν διαστολή· πάντες γαρ ήμαρτον και υστερούνται της δόξης του θεού, δικαιούμενοι δωρεάν τη αυτού χάριτι διά της απολυτρώσεως της εν Χριστώ Ιησού.
Ανάγνωσις Ευαγγελίου: Κατά Ματθαίον 7:1-8
Είπεν ο Κύριος· Μή κρίνετε, ίνα μή κριθήτε· εν ώ γαρ κρίματι κρίνετε κριθήσεσθε, και εν ώ μέτρω μετρείτε μετρηθήσεται υμίν. τί δε βλέπεις το κάρφος το εν τω οφθαλμώ του αδελφού σου, την δε εν τω σώ οφθαλμώ δοκόν ου κατανοείς; ή πώς ερείς τω αδελφώ σου, άφες εκβάλω το κάρφος από του οφθαλμού σου, και ιδού η δοκός εν τω οφθαλμώ σου; υποκριτά, έκβαλε πρώτον την δοκόν εκ του οφθαλμού σου, και τότε διαβλέψεις εκβαλείν το κάρφος εκ του οφθαλμού του αδελφού σου. Μή δώτε το άγιον τοις κυσί μηδέ βάλητε τους μαργαρίτας υμών έμπροσθεν των χοίρων, μήποτε καταπατήσωσιν αυτούς εν τοις ποσίν αυτών και στραφέντες ρήξωσιν υμάς. Αιτείτε, και δοθήσεται υμίν, ζητείτε, και ευρήσετε, κρούετε, και ανοιγήσεται υμίν· πάς γαρ ο αιτών λαμβάνει και ο ζητών ευρίσκει και τω κρούοντι ανοιγήσεται.