Ίσαυρος και οι σύν αυτώ

Άγιοι, εορταί, και Αναγνώσεις – Τρίτη, 17 Ιουνίου 2025
Άγιοι και εορταί: Ίσαυρος και οι σύν αυτώ ; Μανουήλ, Σαβήλ και Ισμαήλ; Πατήρ Μπότολφ
Ημέρα Νηστείας (Κατάλυσις ιχθύος, ελαίου και οίνου)
Ανάγνωσις Επιστολής: Ρωμ. 4:4-12
Αδελφοί, τω εργαζομένω ο μισθός ου λογίζεται κατά χάριν, αλλά κατά οφείλημα. Τω δε μή εργαζομένω, πιστεύοντι δε επί τον δικαιούντα τον ασεβή, λογίζεται η πίστις αυτού εις δικαιοσύνην. Καθάπερ και Δαυίδ λέγει τον μακαρισμόν του ανθρώπου, ώ ο θεός λογίζεται δικαιοσύνην χωρίς έργων, Μακάριοι ών αφέθησαν αι ανομίαι, και ών επεκαλύφθησαν αι αμαρτίαι. Μακάριος ανήρ ώ ου μή λογίσηται κύριος αμαρτίαν. Ο μακαρισμός ούν ούτος επί την περιτομήν, ή και επί την ακροβυστίαν; Λέγομεν γαρ ότι Ελογίσθη τω Αβραάμ η πίστις εις δικαιοσύνην. Πώς ούν ελογίσθη; Εν περιτομή όντι, ή εν ακροβυστία; Ουκ εν περιτομή, αλλʼ εν ακροβυστία· και σημείον έλαβεν περιτομής, σφραγίδα της δικαιοσύνης της πίστεως της εν τη ακροβυστία· εις το είναι αυτόν πατέρα πάντων των πιστευόντων διʼ ακροβυστίας, εις το λογισθήναι και αυτοίς την δικαιοσύνην· και πατέρα περιτομής τοις ουκ εκ περιτομής μόνον, αλλά και τοις στοιχούσιν τοις ίχνεσιν της πίστεως της εν τη ακροβυστία του πατρός ημών Αβραάμ.
Ανάγνωσις Ευαγγελίου: Κατά Ματθαίον 7:15-21
Είπεν ο Κύριος· Προσέχετε δε από των ψευδοπροφητών, οίτινες έρχονται πρός υμάς εν ενδύμασι προβάτων, έσωθεν δέ εισι λύκοι άρπαγες. από των καρπών αυτών επιγνώσεσθε αυτούς. μήτι συλλέγουσιν από ακανθών σταφυλήν ή από τριβόλων σύκα; ούτω πάν δένδρον αγαθόν καρπούς καλούς ποιεί, το δε σαπρόν δένδρον καρπούς πονηρούς ποιεί. ου δύναται δένδρον αγαθόν καρπούς πονηρούς ποιείν, ουδέ δένδρον σαπρόν καρπούς καλούς ποιείν. πάν δένδρον μή ποιούν καρπόν καλόν εκκόπτεται και εις πύρ βάλλεται. άραγε από των καρπών αυτών επιγνώσεσθε αυτούς.