Κυριακή Η’ της Πεντηκοστής

Άγιοι, εορταί, και Αναγνώσεις – Κυριακή, 8 Ιουνίου 2025
Άγιοι και εορταί: Κυριακή Η’ της Πεντηκοστής; Ανακομιδή Λειψάνου Θεοδώρου Στρατηλάτου; Καλλιόπη, Μάρτυς; Όσια Μελάνεια; Αναστάσιος Νεομάρτυς Κωνστ.; Θεοφάνης, Νεομάρτυς Κωνστ.
Ανάγνωσις Ευαγγελίου Όρθρου: Κατά Ιωάννην 20:19-23
Ούσης ούν οψίας τη ημέρα εκείνη τη μιά των σαββάτων, και των θυρών κεκλεισμένων όπου ήσαν οι μαθηταί συνηγμένοι διά τον φόβον των ᾿Ιουδαίων, ήλθεν ο ᾿Ιησούς και έστη εις το μέσον, και λέγει αυτοίς· ειρήνη υμίν. καί τούτο ειπών έδειξεν αυτοίς τάς χείρας και την πλευράν αυτού. εχάρησαν ούν οι μαθηταί ιδόντες τον Κύριον. είπεν ούν αυτοίς ο ᾿Ιησούς πάλιν· ειρήνη υμίν. καθώς απέσταλκέ με ο πατήρ, καγώ πέμπω υμάς. και τούτο ειπών ενεφύσησε και λέγει αυτοίς· λάβετε Πνεύμα ῞Αγιον· άν τινων αφήτε τάς αμαρτίας, αφίενται αυτοίς, άν τινων κρατήτε, κεκράτηνται.
Ανάγνωσις Επιστολής: Πράξ. 2:1-11
Εν τω συμπληρούσθαι την ημέραν της Πεντηκοστής, ήσαν άπαντεςN ομοθυμαδόν επί το αυτό. Και εγένετο άφνω εκ του ουρανού ήχος ώσπερ φερομένης πνοής βιαίας, και επλήρωσεν όλον τον οίκον ού ήσαν καθήμενοι. Και ώφθησαν αυτοίς διαμεριζόμεναι γλώσσαι ωσεί πυρός, εκάθισέν τε εφʼ ένα έκαστον αυτών. Και επλήσθησαν άπαντες πνεύματος αγίου, και ήρξαντο λαλείν ετέραις γλώσσαις, καθώς το πνεύμα εδίδου αυτοίς αποφθέγγεσθαι. Ήσαν δε εν Ιερουσαλήμ κατοικούντες Ιουδαίοι, άνδρες ευλαβείς, από παντός έθνους των υπό τον ουρανόν. Γενομένης δε της φωνής ταύτης, συνήλθεν το πλήθος και συνεχύθη, ότι ήκουον εις έκαστος τη ιδία διαλέκτω λαλούντων αυτών. Εξίσταντο δε πάντες και εθαύμαζον, λέγοντες πρός αλλήλους, Ουκ ιδού πάντες ούτοί εισιν οι λαλούντες Γαλιλαίοι; Και πώς ημείς ακούομεν έκαστος τη ιδία διαλέκτω ημών εν ή εγεννήθημεν; Πάρθοι και Μήδοι και Ελαμίται, και οι κατοικούντες την Μεσοποταμίαν, Ιουδαίαν τε και Καππαδοκίαν, Πόντον και την Ασίαν, Φρυγίαν τε και Παμφυλίαν, Αίγυπτον και τα μέρη της Λιβύης της κατά Κυρήνην, και οι επιδημούντες Ῥωμαίοι, Ιουδαίοί τε και προσήλυτοι, Κρήτες και Άραβες, ακούομεν λαλούντων αυτών ταις ημετέραις γλώσσαις τα μεγαλεία του θεού.
Ανάγνωσις Ευαγγελίου: Κατά Ιωάννην 7:37-52, 8:12
᾿Εν δε τη εσχάτη ημέρα τη μεγάλη της εορτής ειστήκει ο ᾿Ιησούς και έκραξε λέγων· εάν τις διψά, ερχέσθω πρός με και πινέτω. ο πιστεύων εις εμέ, καθώς είπεν η γραφή, ποταμοί εκ της κοιλίας αυτού ρεύσουσιν ύδατος ζώντος. τούτο δε είπε περί του Πνεύματος ού έμελλον λαμβάνειν οι πιστεύοντες εις αυτόν· ούπω γαρ ήν Πνεύμα ῞Αγιον, ότι ᾿Ιησούς ουδέπω εδοξάσθη. Πολλοί ούν εκ του όχλου ακούσαντες τον λόγον έλεγον· ούτός εστιν αληθώς ο προφήτης· άλλοι έλεγον· ούτός εστιν ο Χριστός· άλλοι έλεγον· μή γαρ εκ της Γαλιλαίας ο Χριστός έρχεται; ουχί η γραφή είπεν ότι εκ του σπέρματος Δαυῒδ και από Βηθλεέμ της κώμης, όπου ήν Δαυΐδ, ο Χριστός έρχεται; σχίσμα ούν εν τω όχλω εγένετο δι᾽ αυτόν. τινές δε ήθελον εξ αυτών πιάσαι αυτόν, αλλ᾽ ουδείς επέβαλεν επ᾽ αυτόν τάς χείρας. ῏Ηλθον ούν οι υπηρέται πρός τους αρχιερείς και Φαρισαίους, και είπον αυτοίς εκείνοι· διατί ουκ ηγάγετε αυτόν; απεκρίθησαν οι υπηρέται· ουδέποτε ούτως ελάλησεν άνθρωπος, ως ούτος ο άνθρωπος. απεκρίθησαν ούν αυτοίς οι Φαρισαίοι· μή και υμείς πεπλάνησθε; μή τις εκ των αρχόντων επίστευσεν εις αυτόν ή εκ των Φαρισαίων; αλλ᾽ ο όχλος ούτος ο μή γινώσκων τον νόμον επικατάρατοί εισι! λέγει Νικόδημος πρός αυτούς, ο ελθών νυκτός πρός αυτόν, εις ών εξ αυτών· μή ο νόμος ημών κρίνει τον άνθρωπον, εάν μή ακούση παρ᾽ αυτού πρότερον και γνώ τί ποιεί; απεκρίθησαν και είπον αυτώ· μή και σύ εκ της Γαλιλαίας εί; ερεύνησον και ίδε ότι προφήτης εκ της Γαλιλαίας ουκ εγήγερται. Πάλιν ούν αυτοίς ο ᾿Ιησούς ελάλησε λέγων· εγώ ειμι το φώς του κόσμου· ο ακολουθών εμοί ου μή περιπατήση εν τη σκοτία, αλλ᾽ έξει το φώς της ζωής.