Τη Τρίτη της Γ΄ Εβδομάδος

Άγιοι, εορταί, και Αναγνώσεις – Τρίτη, 6 Μαίου 2025
Άγιοι και εορταί: Τη Τρίτη της Γ΄ Εβδομάδος; Ιώβ Δίκαιος; Οσίου Σεραφείμ του εν τω όρει Δομβούς ασκήσαντος; Σοφία η εν Κλεισούρα
Ανάγνωσις Επιστολής: Πράξ. 8:5-17
Εν ταις ημεραίς εκείναις, Φίλιππος δε κατελθών εις πόλιν της Σαμαρείας, εκήρυσσεν αυτοίς τον Χριστόν. Προσείχόν τε οι όχλοι τοις λεγομένοις υπό του Φιλίππου ομοθυμαδόν, εν τω ακούειν αυτούς και βλέπειν τα σημεία ά εποίει. Πολλών γαρ των εχόντων πνεύματα ακάθαρτα, βοώντα φωνή μεγάλη εξήρχετο· πολλοί δε παραλελυμένοι και χωλοί εθεραπεύθησαν. Και εγένετο χαρά μεγάλη εν τη πόλει εκείνη. Ανήρ δε τις ονόματι Σίμων προϋπήρχεν εν τη πόλει μαγεύων και εξιστών το έθνος της Σαμαρείας, λέγων είναί τινα εαυτόν μέγαν· ώ προσείχον από μικρού έως μεγάλου, λέγοντες, Ούτός εστιν η δύναμις του θεού η μεγάλη. Προσείχον δε αυτώ, διά το ικανώ χρόνω ταις μαγείαις εξεστακέναι αυτούς. Ότε δε επίστευσαν τω Φιλίππω ευαγγελιζομένω τα περί της βασιλείας του θεού και του ονόματος Ιησού Χριστού, εβαπτίζοντο άνδρες τε και γυναίκες. Ο δε Σίμων και αυτός επίστευσεν, και βαπτισθείς ήν προσκαρτερών τω Φιλίππω· θεωρών τε δυνάμεις και σημεία γινόμενα, εξίστατο. Ακούσαντες δε οι εν Ιεροσολύμοις απόστολοι ότι δέδεκται η Σαμάρεια τον λόγον του θεού, απέστειλαν πρός αυτούς τον Πέτρον και Ιωάννην· οίτινες καταβάντες προσηύξαντο περί αυτών, όπως λάβωσιν πνεύμα άγιον· ούπω γαρ ήν επʼ ουδενί αυτών επιπεπτωκός, μόνον δε βεβαπτισμένοι υπήρχον εις το όνομα του Χριστού Ιησού. Τότε επετίθουν τάς χείρας επʼ αυτούς, και ελάμβανον πνεύμα άγιον.
Ανάγνωσις Ευαγγελίου: Κατά Ιωάννην 6:27-33
Είπεν ο Κύριος πρός τους εληλυθότας πρός αυτόν Ιουδαίους· Εργάζεσθε μή την βρώσιν την απολλυμένην, αλλά την βρώσιν την μένουσαν εις ζωήν αιώνιον, ήν ο υιός του ανθρώπου υμίν δώσει· τούτον γαρ ο πατήρ εσφράγισεν ο Θεός. είπον ούν πρός αυτόν· τί ποιώμεν ίνα εργαζώμεθα τά έργα του Θεού; απεκρίθη ᾿Ιησούς και είπεν αυτοίς· τούτό εστι το έργον του Θεού, ίνα πιστεύσητε εις όν απέστειλεν εκείνος. είπον ούν αυτώ· τί ούν ποιείς σύ σημείον ίνα ίδωμεν και πιστεύσωμέν σοι; τί εργάζη; οι πατέρες ημών το μάννα έφαγον εν τη ερήμω, καθώς εστι γεγραμμένον· άρτον εκ του ουρανού έδωκεν αυτοίς φαγείν. είπεν ούν αυτοίς ο ᾿Ιησούς· αμήν αμήν λέγω υμίν, ου Μωϋσής δέδωκεν υμίν τον άρτον εκ του ουρανού, αλλ᾽ ο πατήρ μου δίδωσιν υμίν τον άρτον εκ του ουρανού τον αληθινόν. ο γαρ άρτος του Θεού εστιν ο καταβαίνων εκ του ουρανού και ζωήν διδούς τω κόσμω.