Ανακομιδή Λειψάνων Αγίου Αθανασίου

Άγιοι, εορταί, και Αναγνώσεις – Παρασκευή, 2 Μαίου 2025
Άγιοι και εορταί: Ανακομιδή Λειψάνων Αγίου Αθανασίου; Έσπερος και Ζωή; Μπόρις, Βασιλεύς της Βουλγαρίας; Οσίου Ιορδάνου του θαυματουργού.
Ημέρα Νηστείας (Κατάλυσις οίνου και ελαίου)
Ανάγνωσις Επιστολής: Εβρ. 13:7-16
Αδελφοί, μνημονεύετε των ηγουμένων υμών, οίτινες ελάλησαν υμίν τον λόγον του θεού· ών αναθεωρούντες την έκβασιν της αναστροφής, μιμείσθε την πίστιν. Ιησούς Χριστός χθές και σήμερον ο αυτός, και εις τους αιώνας. Διδαχαίς ποικίλαις και ξέναις μή παραφέρεσθε· καλόν γαρ χάριτι βεβαιούσθαι την καρδίαν, ου βρώμασιν, εν οίς ουκ ωφελήθησαν οι περιπατήσαντες. Έχομεν θυσιαστήριον, εξ ού φαγείν ουκ έχουσιν εξουσίαν οι τη σκηνή λατρεύοντες. Ών γαρ εισφέρεται ζῴων το αίμα περί αμαρτίας εις τα άγια διά του αρχιερέως, τούτων τα σώματα κατακαίεται έξω της παρεμβολής. Διό και Ιησούς, ίνα αγιάση διά του ιδίου αίματος τον λαόν, έξω της πύλης έπαθεν. Τοίνυν εξερχώμεθα πρός αυτόν έξω της παρεμβολής, τον ονειδισμόν αυτού φέροντες. Ου γαρ έχομεν ώδε μένουσαν πόλιν, αλλά την μέλλουσαν επιζητούμεν. Διʼ αυτού ούν αναφέρωμεν θυσίαν αινέσεως διά παντός τω θεώ, τούτʼ έστιν, καρπόν χειλέων ομολογούντων τω ονόματι αυτού. Της δε ευποιΐας και κοινωνίας μή επιλανθάνεσθε· τοιαύταις γαρ θυσίαις ευαρεστείται ο θεός.
Ανάγνωσις Ευαγγελίου: Κατά Ματθαίον 5:14-19
Είπεν ο Κυριος τοις εαυτού μαθηταίς· ῾Υμείς εστε το φώς του κόσμου. ου δύναται πόλις κρυβήναι επάνω όρους κειμένη· ουδέ καίουσι λύχνον και τιθέασι αυτόν υπό τον μόδιον, αλλ᾿ επί την λυχνίαν, και λάμπει πάσι τοις εν τη οικία. ούτω λαμψάτω το φώς υμών έμπροσθεν των ανθρώπων, όπως ίδωσιν υμών τα καλά έργα και δοξάσωσι τον πατέρα υμών τον εν τοις ουρανοίς. Μή νομίσητε ότι ήλθον καταλύσαι τον νόμον ή τους προφήτας· ουκ ήλθον καταλύσαι, αλλά πληρώσαι. αμήν γαρ λέγω υμίν, έως άν παρέλθη ο ουρανός και η γή, ιώτα έν ή μία κεραία ου μή παρέλθη από του νόμου έως άν πάντα γένηται. ός εάν ούν λύση μίαν των εντολών τούτων των ελαχίστων και διδάξη ούτω τους ανθρώπους, ελάχιστος κληθήσεται εν τη βασιλεία των ουρανών· ός δ᾿ άν ποιήση και διδάξη, ούτος μέγας κληθήσεται εν τη βασιλεία των ουρανών.