Αποστόλος Μάρκος

Άγιοι, εορταί, και Αναγνώσεις – Παρασκευή, 25 Απριλίου 2025
Άγιοι και εορταί: Αποστόλος Μάρκος
Κατάλυσις Πάντων
Ανάγνωσις Επιστολής: Πράξ. 3:1-8
Εν ταις ημεραίς εκείναις, Πέτρος και ᾿Ιωάννης ανέβαινον εις το ιερόν επί την ώραν της προσευχής την ενάτην. Καί τις ανήρ χωλός εκ κοιλίας μητρός αυτού υπάρχων εβαστάζετο, όν ετίθουν καθ᾿ ημέραν πρός την θύραν του ιερού την λεγομένην ωραίαν του αιτείν ελεημοσύνην παρά των εισπορευομένων εις το ιερόν· ός ιδών Πέτρον και ᾿Ιωάννην μέλλοντας εισιέναι εις το ιερόν ηρώτα ελεημοσύνην. Ατενίσας δε Πέτρος εις αυτόν σύν τω ᾿Ιωάννη είπε· βλέψον εις ημάς. Ο δε επείχεν αυτοίς προσδοκών τι παρ᾿ αυτών λαβείν. Είπε δε Πέτρος· αργύριον και χρυσίον ουχ υπάρχει μοι· ό δε έχω τούτό σοι δίδωμι· εν τω ονόματι ᾿Ιησού Χριστού του Ναζωραίου έγειρε και περιπάτει. Και πιάσας αυτόν της δεξιάς χειρός ήγειρε· παραχρήμα δε εστερεώθησαν αυτού αι βάσεις και τα σφυρά, και εξαλλόμενος έστη και περιεπάτει, και εισήλθε σύν αυτοίς εις το ιερόν περιπατών και αλλόμενος και αινών τον Θεόν.
Ανάγνωσις Ευαγγελίου: Κατά Λουκάν 10:16-21
Είπεν ο Κυριος τοις εαυτού μαθηταίς· ῾Ο ακούων υμών εμού ακούει, και ο αθετών υμάς εμέ αθετεί· ο δε εμέ αθετών αθετεί τον αποστείλαντά με. ῾Υπέστρεψαν δε οι εβδομήκοντα μετά χαράς λέγοντες· Κύριε, και τα δαιμόνια υποτάσσεται ημίν εν τω ονόματί σου. Είπε δε αυτοίς· εθεώρουν τον σατανάν ως αστραπήν εκ του ουρανού πεσόντα. ιδού δίδωμι υμίν την εξουσίαν του πατείν επάνω όφεων και σκορπίων και επί πάσαν την δύναμιν του εχθρού, και ουδέν υμάς ου μή αδικήση. πλήν εν τούτω μή χαίρετε, ότι τα πνεύματα υμίν υποτάσσεται· χαίρετε δε ότι τα ονόματα υμών εγράφη εν τοις ουρανοίς. ᾿Εν αυτή τη ώρα ηγαλλιάσατο τω πνεύματι ο ᾿Ιησούς και είπεν· εξομολογούμαί σοι, πάτερ, κύριε του ουρανού και της γής, ότι απέκρυψας ταύτα από σοφών και συνετών, και απεκάλυψας αυτά νηπίοις· ναί, ο πατήρ, ότι ούτως εγένετο ευδοκία έμπροσθέν σου.