Τετάρτη Διακαινήσιμου

Άγιοι, εορταί, και Αναγνώσεις – Τετάρτη, 23 Απριλίου 2025
Άγιοι και εορταί: Τετάρτη Διακαινήσιμου; Γεώργιος Μεγαλομάρτυρυς
Κατάλυσις Πάντων
Ανάγνωσις Ευαγγελίου Όρθρου: Κατά Λουκάν 21:12-19
Είπεν ο Κυριος τοις εαυτού μαθηταίς· Πρό δε τούτων πάντων επιβαλούσιν εφ᾿ υμάς τάς χείρας αυτών και διώξουσι, παραδιδόντες εις συναγωγάς και φυλακάς, αγομένους επί βασιλείς και ηγεμόνας ένεκεν του ονόματός μου· αποβήσεται δε υμίν εις μαρτύριον. θέσθε ούν εις τάς καρδίας υμών μή προμελετάν απολογηθήναι· εγώ γαρ δώσω υμίν στόμα και σοφίαν, ή ου δυνήσονται αντειπείν ουδέ αντιστήναι πάντες οι αντικείμενοι υμίν. παραδοθήσεσθε δε και υπό γονέων και συγγενών και φίλων και αδελφών, και θανατώσουσιν εξ υμών, καί έσεσθε μισούμενοι υπό πάντων διά το όνομά μου· καί θρίξ εκ της κεφαλής υμών ου μή απόληται· εν τη υπομονή υμών κτήσασθε τάς ψυχάς υμών.
Ανάγνωσις Επιστολής: Πράξ. 12:1-11
Κατ᾿ εκείνον τον καιρόν επέβαλεν ῾Ηρῴδης ο βασιλεύς τάς χείρας κακώσαί τινας των από της εκκλησίας. Ανείλε δε ᾿Ιάκωβον τον αδελφόν ᾿Ιωάννου μαχαίρα. Και ιδών ότι αρεστόν εστι τοις ᾿Ιουδαίοις, προσέθετο συλλαβείν και Πέτρον· ήσαν δε αι ημέραι των αζύμων· όν και πιάσας έθετο εις φυλακήν, παραδούς τέσσαρσι τετραδίοις στρατιωτών φυλάσσειν αυτόν, βουλόμενος μετά το Πάσχα αναγαγείν αυτόν τω λαώ. Ο μέν ούν Πέτρος ετηρείτο εν τη φυλακή· προσευχή δε ήν εκτενής γινομένη υπό της εκκλησίας πρός τον Θεόν υπέρ αυτού. ῞Οτε δε έμελλεν αυτόν προάγειν ο ῾Ηρῴδης, τη νυκτί εκείνη ήν ο Πέτρος κοιμώμενος μεταξύ δύο στρατιωτών δεδεμένος αλύσεσι δυσί, φύλακές τε πρό της θύρας ετήρουν την φυλακήν. Και ιδού άγγελος Κυρίου επέστη και φώς έλαμψεν εν τω οικήματι· πατάξας δε την πλευράν του Πέτρου ήγειρεν αυτόν λέγων· ανάστα εν τάχει. και εξέπεσον αυτού αι αλύσεις εκ των χειρών είπέ τε ο Άγγελος πρός αυτόν· περίζωσαι και υπόδησαι τα σανδάλιά σου. Εποίησε δε ούτω· και λέγει αυτώ· περιβαλού το ιμάτιόν σου και ακολούθει μοι. Και εξελθών ηκολούθει αυτώ, και ουκ ᾔδει ότι αληθές εστι το γινόμενον διά του αγγέλου, εδόκει δε όραμα βλέπειν. Διελθόντες δε πρώτην φυλακήν και δευτέραν ήλθον επί την πύλην την σιδηράν την φέρουσαν εις την πόλιν, ήτις αυτομάτη ηνοίχθη αυτοίς· και εξελθόντες προήλθον ρύμην μίαν· και ευθέως απέστη ο Άγγελος απ᾿ αυτού. Και ο Πέτρος γενόμενος εν εαυτώ είπε· νύν οίδα αληθώς ότι εξαπέστειλε Κύριος τον Άγγελον αυτού και εξείλετό με εκ χειρός ῾Ηρῴδου και πάσης της προσδοκίας του λαού των ᾿Ιουδαίων.
Ανάγνωσις Ευαγγελίου: Κατά Ιωάννην 1:35-52
Τω καιρώ εκείνω, ειστήκει ο Ιωάννης και εκ των μαθητών αυτού δύο, και εμβλέψας τω Ιησού περιπατούντι λέγει· ίδε ο αμνός του Θεού. και ήκουσαν αυτού οι δύο μαθηταί λαλούντος, και ηκολούθησαν τω Ιησού. 38 στραφείς δε ο Ιησούς και θεασάμενος αυτούς ακολουθούντας λέγει αυτοίς· τί ζητείτε; οι δε είπον αυτώ· ραββί· ό λέγεται ερμηνευόμενον διδάσκαλε· πού μένεις; λέγει αυτοίς· έρχεσθε και ίδετε. ήλθον ούν και είδον πού μένει, και παρ’ αυτώ έμειναν την ημέραν εκείνην· ώρα ήν ως δεκάτη. ήν Ανδρέας ο αδελφός Σίμωνος Πέτρου εις εκ των δύο των ακουσάντων παρά Ιωάννου και ακολουθησάντων αυτώ. ευρίσκει ούτος πρώτος τον αδελφόν τον ίδιον Σίμωνα και λέγει αυτώ· ευρήκαμεν τον Μεσσίαν· ό εστι μεθερμηνευόμενον Χριστός· και ήγαγεν αυτόν πρός τον Ιησούν. εμβλέψας αυτώ ο Ιησούς είπε· σύ ει Σίμων ο υιός Ιωνά, σύ κληθήση Κηφάς, ό ερμηνεύεται Πέτρος. Τη επαύριον ηθέλησεν ο Ιησούς εξελθείν εις την Γαλιλαίαν· και ευρίσκει Φίλιππον και λέγει αυτώ· ακολούθει μοι. ήν δε ο Φίλιππος από Βηθσαϊδά, εκ της πόλεως Ανδρέου και Πέτρου. ευρίσκει Φίλιππος τον Ναθαναήλ και λέγει αυτώ· όν έγραψε Μωϋσής εν τω νόμω και οι προφήται, ευρήκαμεν, Ιησούν τον υιόν του Ιωσήφ τον από Ναζαρέτ. και είπεν αυτώ Ναθαναήλ· εκ Ναζαρέτ δύναταί τι αγαθόν είναι; λέγει αυτώ Φίλιππος· έρχου και ίδε. είδεν ο Ιησούς τον Ναθαναήλ ερχόμενον πρός αυτόν και λέγει περί αυτού· ίδε αληθώς Ισραηλίτης, εν ώ δόλος ουκ έστι. λέγει αυτώ Ναθαναήλ· πόθεν με γινώσκεις; απεκρίθη Ιησούς και είπεν αυτώ· πρό του σε Φίλιππον φωνήσαι, όντα υπό την συκήν είδόν σε. απεκρίθη Ναθαναήλ και λέγει αυτώ· ραββί, σύ ει ο υιός του Θεού, σύ ει ο βασιλεύς του Ισραήλ. απεκρίθη Ιησούς και είπεν αυτώ· ότι είπόν σοι, είδόν σε υποκάτω της συκής, πιστεύεις; μείζω τούτων όψει. Και λέγει αυτώ, Αμήν αμήν λέγω υμίν, απ᾽ άρτι όψεσθε τον ουρανόν ανεωγότα και τους αγγέλους του Θεού αναβαίνοντας και καταβαίνοντας επί τον υιόν του ανθρώπου.