Τίτος ο Θαυματουργός

Άγιοι, εορταί, και Αναγνώσεις – Τετάρτη, 2 Απριλίου 2025
Άγιοι και εορταί: Τίτος ο Θαυματουργός; Αγία Παρθενομάρτυς Θεοδώρα; Αυτάδελφοι Αμφιανός και Αιδέσιος
Αυστηρή Νηστεία
Ανάγνωσις Παλαιᾱς Διαθήκης: Ησαΐας 41:4-14
Τίς ενήργησε και εποίησε ταύτα; εκάλεσεν αυτήν ο καλών αυτήν από γενεών αρχής· εγώ Θεός πρώτος, και εις τα επερχόμενα εγώ ειμι. είδοσαν έθνη και εφοβήθησαν, τα άκρα της γής ήγγισαν και ήλθον άμα, κρίνων έκαστος τω πλησίον και τω αδελφώ βοηθήσαι και ερεί· ίσχυσεν ανήρ τέκτων και χαλκεύς τύπτων σφύρη άμα ελαύνων· ποτέ μέν ερεί· σύμβλημα καλόν εστίν· ισχύρωσαν αυτά εν ήλοις, θήσουσιν αυτά και ου κινηθήσονται.
Σύ δέ, ᾿Ισραήλ, παίς μου ᾿Ιακώβ, όν εξελεξάμην, σπέρμα ῾Αβραάμ, όν ηγάπησα, ού αντελαβόμην απ᾿ άκρων της γής και εκ των σκοπών αυτής εκάλεσά σε και είπά σοι· παίς μου εί, εξελεξάμην σε και ουκ εγκατέλιπόν σε· μή φοβού, μετά σού γάρ ειμι· μή πλανώ, εγώ γάρ ειμι ο Θεός σου ο ενισχύσας σε και εβοήθησά σοι και ησφαλισάμην σε τη δεξιά τη δικαία μου.
ιδού αισχυνθήσονται και εντραπήσονται πάντες οι αντικείμενοί σοι· έσονται γαρ ως ουκ όντες και απολούνται πάντες οι αντίδικοί σου· ζητήσεις αυτούς και ου μή εύρης τους ανθρώπους, οί παροινήσουσιν εις σέ· έσονται γαρ ως ουκ όντες και ουκ έσονται οι αντιπολεμούντές σε. ότι εγώ ο Θεός σου ο κρατών της δεξιάς σου, ο λέγων σοι· μή φοβού, ᾿Ιακώβ, ολιγοστός ᾿Ισραήλ· εγώ εβοήθησά σοι, λέγει ο Θεός σου, ο λυτρούμενός σε, ᾿Ισραήλ.
Ανάγνωσις Παλαιᾱς Διαθήκης: Γένεσις 17:1-9
᾽Εγένετο δε ῞Αβραμ ετών ενενηκονταεννέα, και ώφθη Κύριος τω ῞Αβραμ και είπεν αυτώ· εγώ ειμι ο Θεός σου· ευαρέστει ενώπιον εμού και γίνου άμεμπτος, και θήσομαι την διαθήκην μου ανά μέσον εμού και ανά μέσον σού και πληθυνώ σε σφόδρα. και έπεσεν ῞Αβραμ επί πρόσωπον αυτού, και ελάλησεν αυτώ ο Θεός λέγων· και εγώ ιδού η διαθήκη μου μετά σού, και έση πατήρ πλήθους εθνών, και ου κληθήσεται έτι το όνομά σου ῞Αβραμ, αλλ᾿ έσται το όνομά σου ῾Αβραάμ, ότι πατέρα πολλών εθνών τέθεικά σε. και αυξανώ σε σφόδρα σφόδρα και θήσω σε εις έθνη, και βασιλείς εκ σού εξελεύσονται. και στήσω την διαθήκην μου ανά μέσον σού και ανά μέσον του σπέρματός σου μετά σέ, εις τάς γενεάς αυτών, εις διαθήκην αιώνιον, είναί σου Θεός και του σπέρματός σου μετά σέ. και δώσω σοι και τω σπέρματί σου μετά σέ την γήν, ήν παροικείς, πάσαν την γήν Χαναάν, εις κατάσχεσιν αιώνιον και έσομαι αυτοίς εις Θεόν. και είπεν ο Θεός πρός ῾Αβραάμ· σύ δε την διαθήκην μου διατηρήσεις, σύ και το σπέρμα σου μετά σέ εις τάς γενεάς αυτών.
Ανάγνωσις Παλαιᾱς Διαθήκης: Παροιμίαι 15:20-16:9
Υιός σοφός ευφραίνει πατέρα, υιός δε άφρων μυκτηρίζει μητέρα αυτού. ανοήτου τρίβοι ενδεείς φρενών, ανήρ δε φρόνιμος κατευθύνων πορεύεται. υπερτίθενται λογισμούς οι μή τιμώντες συνέδρια, εν δε καρδίαις βουλευομένων μένει βουλή. ου μή υπακούση ο κακός αυτή, ουδέ μή είπη καίριόν τι και καλόν τω κοινώ. οδοί ζωής διανοήματα συνετού, ίνα εκκλίνας εκ του ᾅδου σωθή. οίκους υβριστών κατασπά Κύριος, εστήρισε δε όριον χήρας. βδέλυγμα Κυρίω λογισμός άδικος, αγνών δε ρήσεις σεμναί. εξόλλυσιν εαυτόν ο δωρολήπτης, ο δε μισών δώρων λήψεις σώζεται. θεωρών οφθαλμός καλά ευφραίνει καρδίαν, φήμη δε αγαθή πιαίνει οστά. ός απωθείται παιδείαν, μισεί εαυτόν, ο δε τηρών ελέγχους αγαπά ψυχήν αυτού. φόβος Θεού παιδεία και σοφία, και αρχή δόξης αποκριθήσεται αυτή. πάντα τα έργα του ταπεινού φανερά παρά τω Θεώ, οι δε ασεβείς εν ημέρα κακή ολούνται. ακάθαρτος παρά Θεώ πάς υψηλοκάρδιος, χειρί δε χείρας εμβαλών αδίκως ουκ αθωωθήσεται. αρχή οδού αγαθής το ποιείν τα δίκαια, δεκτά δε παρά Θεώ μάλλον ή θύειν θυσίας. ο ζητών τον Κύριον ευρήσει γνώσιν μετά δικαιοσύνης, οι δε ορθώς ζητούντες αυτόν ευρήσουσιν ειρήνην.