Μαρία η Αιγυπτία

Άγιοι, εορταί, και Αναγνώσεις – Τρίτη, 1 Απριλίου 2025
Άγιοι και εορταί: Μαρία η Αιγυπτία; Ευθυμίου του θαυματουργού του Ρώσου; Μάρτυρες Γερόντιος και Βασιλίδης
Αυστηρή Νηστεία
Ανάγνωσις Παλαιᾱς Διαθήκης: Ησαΐας 40:18-31
τίνι ωμοιώσατε Κύριον και τίνι ομοιώματι ωμοιώσατε αυτόν; μή εικόνα εποίησε τέκτων, ή χρυσοχόος χωνεύσας χρυσίον περιεχρύσωσεν αυτόν, ομοίωμα κατεσκεύασεν αυτόν; ξύλον γαρ άσηπτον εκλέγεται τέκτων και σοφώς ζητεί πώς στήσει εικόνα αυτού και ίνα μή σαλεύητε.
ου γνώσεσθε; ουκ ακούσεσθε; ουκ ανηγγέλη εξ αρχής υμίν; ουκ έγνωτε τα θεμέλια της γής; ο κατέχων τον γύρον της γής, και οι ενοικούντες εν αυτή ως ακρίδες, ο στήσας ως καμάραν τον ουρανόν και διατείνας ως σκηνήν κατοικείν, ο διδούς άρχοντας ως ουδέν άρχειν, την δε γήν ως ουδέν εποίησεν.
ου γαρ μή φυτεύσωσιν, ουδέ μή σπείρωσιν, ουδέ μή ριζωθή εις την γήν η ρίζα αυτών· έπνευσεν επ᾿ αυτούς και εξηράνθησαν, και καταιγίς ως φρύγανα λήψεται αυτούς.
νύν ούν τίνι με ωμοιώσατε και υψωθήσομαι; είπεν ο άγιος. αναβλέψατε εις ύψος τους οφθαλμούς υμών και ίδετε, τίς κατέδειξε ταύτα πάντα; ο εκφέρων κατ᾿ αριθμόν τον κόσμον αυτού πάντας επ᾿ ονόματι καλέσει· από πολλής δόξης και εν κράτει ισχύος αυτού ουδέν σε έλαθε.
Μή γαρ είπης, ᾿Ιακώβ, και τί ελάλησας, ᾿Ισραήλ· απεκρύβη η οδός μου από του Θεού, και ο Θεός μου την κρίσιν αφείλε και απέστη; και νύν ουκ έγνως ει μή ήκουσας; Θεός αιώνιος ο Θεός ο κατασκευάσας τα άκρα της γής, ου πεινάσει, ουδέ κοπιάσει, ουδέ εστιν εξεύρεσις της φρονήσεως αυτού· διδούς τοις πεινώσιν ισχύν και τοις μή οδυνωμένοις λύπην. πεινάσουσι γαρ νεώτεροι, και κοπιάσουσι νεανίσκοι, και εκλεκτοί ανίσχυες έσονται· οι δε υπομένοντες τον Θεόν αλλάξουσιν ισχύν, πτεροφυήσουιν ως αετοί, δραμούνται και ου κοπιάσουσι, βαδιούνται και ου πεινάσουσιν.
Ανάγνωσις Παλαιᾱς Διαθήκης: Γένεσις 15:1-15
Μετά δε τα ρήματα ταύτα εγενήθη ρήμα Κυρίου πρός ῞Αβραμ εν οράματι, λέγων· μή φοβού ῞Αβραμ, εγώ υπερασπίζω σου· ο μισθός σου πολύς έσται σφόδρα. λέγει δε ῞Αβραμ· δέσποτα Κύριε, τί μοι δώσεις; εγώ δε απολύομαι άτεκνος· ο δε υιός Μασέκ της οικογενούς μου, ούτος Δαμασκός ᾿Ελιέζερ. και είπεν ῞Αβραμ· επειδή εμοί ουκ έδωκας σπέρμα, ο δε οικογενής μου κληρονομήσει μοι. και ευθύς φωνή Κυρίου εγένετο πρός αυτόν λέγουσα· ου κληρονομήσει σε ούτος, αλλ᾿ ός εξελεύσεται εκ σού, ούτος κληρονομήσει σε. εξήγαγε δε αυτόν έξω και είπεν αυτώ· ανάβλεψον δή εις τον ουρανόν και αρίθμησον τους αστέρας, ει δυνήση εξαριθμήσαι αυτούς. και είπεν· ούτως έσται το σπέρμα σου. και επίστευσεν ῞Αβραμ τω Θεώ, και ελογίσθη αυτώ εις δικαιοσύνην. είπε δε πρός αυτόν· εγώ ο Θεός ο εξαγαγών σε εκ χώρας Χαλδαίων, ώστε δούναί σοι την γήν ταύτην κληρονομήσαι. είπε δέ, Δέσποτα Κύριε, κατά τί γνώσομαι ότι κληρονομήσω αυτήν; είπε δε αυτώ· λάβε μοι δάμαλιν τριετίζουσαν και αίγα τριετίζουσαν και κριόν τριετίζοντα και τρυγόνα και περιστεράν. έλαβε δε αυτώ πάντα ταύτα και διείλεν αυτά μέσα και έθηκεν αυτά αντιπρόσωπα αλλήλοις, τα δε όρνεα ου διείλε. κατέβη δε όρνεα επί τα σώματα, επί τα διχοτομήματα αυτών, και συνεκάθησεν αυτοίς ῞Αβραμ. περί δε ηλίου δυσμάς έκστασις επέπεσε τω ῞Αβραμ, και ιδού φόβος σκοτεινός μέγας επιπίπτει αυτώ. και ερρέθη πρός ῞Αβραμ· γινώσκων γνώση ότι πάροικον έσται το σπέρμα σου εν γή ουκ ιδία, και δουλώσουσιν αυτούς και κακώσουσιν αυτούς και ταπεινώσουσιν αυτούς τετρακόσια έτη. το δε έθνος, ώ εάν δουλεύσωσι, κρινώ εγώ· μετά δε ταύτα εξελεύσονται ώδε μετά αποσκευής πολλής. σύ δε απελεύση πρός τους πατέρας σου εν ειρήνη, τραφείς εν γήρα καλώ.
Ανάγνωσις Παλαιᾱς Διαθήκης: Παροιμίαι 15:7-19
Χείλη σοφών δέδεται αισθήσει, καρδία δε αφρόνων ουκ ασφαλείς. θυσίαι ασεβών βδέλυγμα Κυρίω, ευχαί δε κατευθυνόντων δεκταί παρ᾿ αυτώ. βδέλυγμα Κυρίω οδοί ασεβούς, διώκοντας δε δικαιοσύνην αγαπά. παιδεία ακάκου γνωρίζεται υπό των παριόντων, οι δε μισούντες ελέγχους τελευτώσιν αισχρώς. ᾅδης και απώλεια φανερά παρά τω Κυρίω· πώς ουχί και αι καρδίαι των ανθρώπων; ουκ αγαπήσει απαίδευτος τους ελέγχοντας αυτόν, μετά δε σοφών ουχ ομιλήσει. καρδίας ευφραινομένης πρόσωπον θάλλει, εν δε λύπαις ούσης σκυθρωπάζει. καρδία ορθή ζητεί αίσθησιν, στόμα δε απαιδεύτων γνώσεται κακά. πάντα τον χρόνον οι οφθαλμοί των κακών προσδέχονται κακά, οι δε αγαθοί ησυχάζουσι διαπαντός. κρείσσον μικρά μερίς μετά φόβου Κυρίου ή θησαυροί μεγάλοι μετά αφοβίας. κρείσσων ξενισμός μετά λαχάνων πρός φιλίαν και χάριν ή παράθεσις μόσχων μετά έχθρας. ανήρ θυμώδης παρασκευάζει μάχας, μακρόθυμος δε και την μέλλουσαν καταπραΰνει. μακρόθυμος ανήρ κατασβέσει κρίσεις, ο δε ασεβής εγείρει μάλλον. οδοί αεργών εστρωμέναι ακάνθαις, αι δε των ανδρείων τετριμμέναι.