Κύριλλος Αρχιεπίσκοπος Ιεροσολύμων

Άγιοι, εορταί, και Αναγνώσεις – Τρίτη, 18 Μαρτίου 2025
Άγιοι και εορταί: Κύριλλος Αρχιεπίσκοπος Ιεροσολύμων; Mαρτύρες Τρόφιμος και Ευκαρπίων; Εδουάρδος βασιλέας της Αγγλίας
Αυστηρή Νηστεία
Ανάγνωσις Παλαιᾱς Διαθήκης: Ησαΐας 9:9-10:4
Και γνώσονται πάς ο λαός του ᾿Εφραίμ και οι εγκαθήμενοι εν Σαμαρεία εφ᾿ ύβρει και υψηλή καρδία λέγοντες· πλίνθοι πεπτώκασιν, αλλά δεύτε λαξεύσωμεν λίθους και εκκόψωμεν συκαμίνους και κέδρους και οικοδομήσωμεν εαυτοίς πύργον. και ράξει ο Θεός τους επανισταμένους επί όρος Σιών επ᾿ αυτούς και τους εχθρούς αυτών διασκεδάσει, Συρίαν αφ᾿ ηλίου ανατολών και τους ῞Ελληνας αφ᾿ ηλίου δυσμών, τους κατεσθίοντας τον ᾿Ισραήλ όλω τω στόματι. επί πάσι τούτοις ουκ απεστράφη ο θυμός, αλλ᾿ έτι η χείρ υψηλή. και ο λαός ουκ απεστράφη, έως επλήγη, και τον Κύριον ουκ εξεζήτησαν. και αφείλε Κύριος από ᾿Ισραήλ κεφαλήν και ουράν, μέγαν και μικρόν εν μιά ημέρα, πρεσβύτην και τους τα πρόσωπα θαυμάζοντας (αύτη η αρχή) και προφήτην διδάσκοντα άνομα (ούτος η ουρά). και έσονται οι μακαρίζοντες τον λαόν τούτον πλανώντες και πλανώσιν, όπως καταπίωσιν αυτούς. διά τούτο επί τους νεανίσκους αυτών ουκ ευφρανθήσεται ο Κύριος και τους ορφανούς αυτών και τάς χήρας αυτών ουκ ελεήσει, ότι πάντες άνομοι και πονηροί, και πάν στόμα λαλεί άδικα. επί πάσι τούτοις ουκ απεστράφη ο θυμός, αλλ᾿ έτι η χείρ υψηλή. και καυθήσεται ως πύρ η ανομία και ως άγρωσις ξηρά βρωθήσεται υπό πυρός· και καυθήσεται εν τοις δάσεσι του δρυμού, και συγκαταφάγεται τα κύκλω των βουνών πάντα. διά θυμόν οργής Κυρίου συγκέκαυται η γή όλη, και έσται ο λαός ως κατακεκαυμένος υπό πυρός· άνθρωπος τον αδελφόν αυτού ουκ ελεήσει, αλλά εκκλινεί εις τα δεξιά, ότι πεινάσει και φάγεται εκ των αριστερών, και ου μή εμπλησθή άνθρωπος έσθων τάς σάρκας του βραχίονος αυτού. φάγεται γαρ Μανασσής του ᾿Εφραίμ και ᾿Εφραίμ του Μανασσή, ότι άμα πολιορκήσουσι τον ᾿Ιούδαν. επί τούτοις πάσιν ουκ απεστράφη ο θυμός, αλλ᾿ έτι η χείρ υψηλή.
Ουαί τοις γράφουσι πονηρίαν· γράφοντες γαρ πονηρίαν γράφουσιν εκκλίνοντες κρίσιν πτωχών, αρπάζοντες κρίμα πενήτων του λαού μου, ώστε είναι αυτοίς χήραν εις διαρπαγήν και ορφανόν εις προνομήν. και τί ποιήσουσιν εν τη ημέρα της επισκοπής; η γαρ θλίψις υμίν πόρρωθεν ήξει· και πρός τίνα καταφεύξεσθε του βοηθηθήναι; και πού καταλείψετε την δόξαν υμών του μή εμπεσείν εις επαγωγήν; επί πάσι τούτοις ουκ απεστράφη ο θυμός, αλλ᾿ έτι η χείρ υψηλή.
Ανάγνωσις Παλαιᾱς Διαθήκης: Γένεσις 7:1-5
Και είπε Κύριος ο Θεός πρός Νώε· είσελθε σύ και πάς ο οίκός σου εις την κιβωτόν, ότι σέ είδον δίκαιον εναντίον μου εν τη γενεά ταύτη. από δε των κτηνών των καθαρών εισάγαγε πρός σέ επτά επτά, άρσεν και θήλυ, από δε των κτηνών των μή καθαρών δύο δύο, άρσεν και θήλυ, και από των πετεινών του ουρανού των καθαρών επτά επτά, άρσεν και θήλυ, και από πάντων των πετεινών των μή καθαρών δύο δύο, άρσεν και θήλυ, διαθρέψαι σπέρμα επί πάσαν την γήν. έτι γαρ ημερών επτά εγώ επάγω υετόν επί την γήν τεσσαράκοντα ημέρας και τεσσαράκοντα νύκτας και εξαλείψω πάν το ανάστημα, ό εποίησα, από προσώπου πάσης της γής. και εποίησε Νώε πάντα, όσα ενετείλατο αυτώ Κύριος ο Θεός.
Ανάγνωσις Παλαιᾱς Διαθήκης: Παροιμίαι 8:32-9:11
Νύν ούν, υιέ, άκουέ μου και μακάριοι, οί οδούς μου φυλάσσοντες, ακούσατε παιδείαν και σοφίσθητε και μή αποφραγήτε. μακάριος ανήρ, ός εισακούεταί μου, και άνθρωπος, ός τάς εμάς οδούς φυλάξει αγρυπνών επ᾿ εμαίς θύραις καθ᾿ ημέραν, τηρών σταθμούς εμών εισόδων· αι γαρ έξοδοί μου έξοδοι ζωής, και ετοιμάζεται θέλησις παρά Κυρίου. οι δε αμαρτάνοντες εις εμέ ασεβούσιν εις τα εαυτών ψυχάς, και οι μισούντές με αγαπώσι θάνατον. Η σοφία ᾠκοδόμησεν εαυτή οίκον και υπήρεισε στύλους επτά· έσφαξε τα εαυτής θύματα, εκέρασεν εις κρατήρα τον εαυτής οίνον και ητοιμάσατο την εαυτής τράπεζαν· απέστειλε τους εαυτής δούλους συγκαλούσα μετά υψηλού κηρύγματος επί κρατήρα λέγουσα· ός εστιν άφρων, εκκλινάτω πρός με· και τοις ενδεέσι φρενών είπεν· έλθετε φάγετε των εμών άρτων και πίετε οίνον, όν εκέρασα υμίν· απολείπετε αφροσύνην, ίνα εις τον αιώνα βασιλεύσητε, και ζητήσατε φρόνησιν, και κατορθώσατε εν γνώσει σύνεσιν. ῾Ο παιδεύων κακούς λήψεται εαυτώ ατιμίαν· ελέγχων δε τον ασεβή μωμήσεται εαυτόν. μή έλεγχε κακούς, ίνα μή μισήσωσί σε· έλεγχε σοφόν, και αγαπήσει σε. δίδου σοφώ αφορμήν, και σοφώτερος έσται· γνώριζε δικαίω, και προσθήσει του δέχεσθαι. αρχή σοφίας φόβος Κυρίου, και βουλή αγίων σύνεσις, το δε γνώναι νόμον διανοίας εστίν αγαθής· τούτω γαρ τω τρόπω πολύν ζήσεις χρόνον, και προστεθήσεταί σοι έτη ζωής σου.